រុក្ខជាតិស្មៅទឹកដោះ ឬ #ស្មៅហឺត ជាប្រភេទស្មៅដុះក្នុងតំបន់អាស៊ី ដើមត្រង់មានរោម និងមានជ័រ ពណ៌ស ដូចទឹកដោះនៅខាងក្នុង។ ស្លឹកវា ដុះទល់មុខគ្នា រាងទ្រវែងស្រួចចុង និងមានធ្មេញរណាស្រាលៗនៅគែមស្លឹក ជួនកាលមានឆ្នូត ឬពណ៌ក្រហម ស្វាយ។ ផ្កាវា ដុះជាកញ្ចុំមូលៗណែន និងមានទំហំតូចៗ ពណ៌បៃតង លាយលឿង នៅតាមប្រគាបស្លឹក។

រុក្ខជាតិស្មៅទឹកដោះ គឺជាឱសថបុរាណខ្មែរយើងដ៏ពូកែស័ក្ដិសិទ្ធិ តាំងពីយូរលង់ណាស់មកហើយ។ ប្រពៃណីខ្មែរតាំងពីបុរាណកាល គេនិយមប្រើ ធ្វើជាថ្នាំព្យាបាលរោគជាច្រើនប្រភេទ ទាំងខាងក្នុង និងខាងក្រៅ។

🌱🍂 អត្ថប្រយោជន៍ចំពោះសុខភាពខាងក្នុង

១🌿 ជួយសម្រាលអាការៈជំងឺហឺត និងបញ្ហាផ្លូវដង្ហើម ដូចជា រលាកទងសួត ក្អកញឹកញាប់ និងសូម្បីតែជំងឺផ្តាសាយ។

២🌿 ព្យាបាលជំងឺរាកស្រាល និងជំងឺរាកមួល ដ៏មានប្រសិទ្ធភាព។ វាជួយកាត់បន្ថយការរលាកពោះវៀន និងធ្វើឱ្យចលនាពោះវៀនត្រលប់មកធម្មតាវិញ។

៣🌿 ជួយគ្រប់គ្រងវដ្តរដូវ និងសម្រាលការឈឺចាប់ពេលមករដូវ និងកាត់បន្ថយការហូរឈាមខ្លាំង។ ឥទ្ធិពលរបស់វាលើស្បូនអាចជួយសម្រាលការឈឺចាប់ពេលមករដូវ និងគាំទ្រដល់សុខភាពបន្តពូជ។

៤🌿 ជួយគ្រប់គ្រងកម្រិតជាតិស្ករក្នុងឈាម របស់អ្នកជំងឺទឹកនោមផ្អែម និងធ្វើឱ្យរាងកាយឆ្លើយតបបានល្អចំពោះអាំងស៊ុយលីន។ វានៅជួយប្រឆាំងនឹងភាពតានតឹងអុកស៊ីតកម្ម (oxidative stress) ដែលជាបញ្ហាទូទៅចំពោះអ្នកជំងឺទឹកនោមផ្អែម។

៥ 🌿ប្រយុទ្ធប្រឆាំងនឹងការឆ្លងមេរោគផ្លូវទឹកនោម

៦ 🌿 ពង្រឹងប្រព័ន្ធភាពស៊ាំ និង ជួយរាងកាយប្រឆាំងនឹងការឆ្លងមេរោគដូចជា ផ្តាសាយ និងឈឺបំពង់ក ព្រមទាំងជួយពង្រឹងប្រព័ន្ធភាពស៊ាំទាំងមូលនៃរាងកាយ។

៧ 🌿 បន្ថយគ្រុនក្តៅ និងការរលាកគ្រប់ប្រភេទ ជាពិសេស ជំងឺរលាកសន្លាក់។

👉🏼 វិធីប្រើកែរោគពីខាងក្នុង៖ យកដើម ស្លឹក ផ្កា ទាំងអស់ (ឥតយកឫសទេ) ហាលស្ងួត ឬ ទាំងស្រស់ ដាំធ្វើតែ ផឹកជាប្រចាំ។ ឬ អាចហាលស្ងួត ហើយកិនជាម្សៅហ្មត់ ដាក់ក្នុងកំប៉ុង ទុកដាក់ងាយស្រួល ពេលត្រូវការប្រើ គ្រាន់តែដួសមកកូរជាមួយទឹកក្ដៅផឹកភ្លាមៗ ក៏បានដែរ។

🌱🍂 អត្ថប្រយោជន៍ចំពោះសុខភាពខាងក្រៅ

៨ 🌿 ជួយឱ្យមុខរបួសឆាប់ជាសះស្បើយបានលឿន និងព្យាបាលមុខរបួសពីស្នាមមុត រលាក ស្នាមសត្វល្អិតទិចខាំ។

៩ 🌿 បំបាត់បញ្ហាស្បែក ដូចជា ជំងឺត្រអក កើតមុន កន្ទួលរមាស់ និងការឆ្លងមេរោគផ្សិត។

👉🏼 វិធីប្រើពីខាងក្រៅ៖ បុកដើម ស្លឹក ផ្កា ដែលនៅស្រស់ឱ្យហ្មត់ជាល្បាយខាប់ ហើយបំពោកដោយផ្ទាល់លើមុខរបួស ឬ កន្លែងរមាស់ រលាក ដើម្បីឱ្យឆាប់ជាសះស្បើយ ព្រោះវាមានតួនាទីប្រយុទ្ធនឹងមេរោគឆ្លងបានល្អណាស់។

⚠️ ការប្រុងប្រយ័ត្ន និងសុវត្ថិភាព

👉🏼 ចៀសវាងការប្រើប្រាស់ច្រើនហួសកម្រិត៖ ការប្រើប្រាស់ច្រើនពេកអាចបណ្តាលឱ្យមានបញ្ហារំលាយអាហារ ឬមិនស្រួលក្នុងពោះវៀន។

👉🏼 ស្ត្រីមានផ្ទៃពោះ 🤰🏻និងស្ត្រីបំបៅដោះកូន៖ គួរពិគ្រោះជាមួយអ្នកជំនាញផ្នែកសុខភាពមុនពេលប្រើប្រាស់ ។

‼️ ព័ត៌មាននេះគឺសម្រាប់គោលបំណងអប់រំទូទៅតែប៉ុណ្ណោះ មិនមែនជាការផ្តល់ដំបូន្មានផ្នែកវេជ្ជសាស្ត្រនោះទេ។ សូមពិគ្រោះជាមួយគ្រូពេទ្យ ឬអ្នកជំនាញសុខាភិបាលដែលមានលក្ខណៈសម្បត្តិគ្រប់គ្រាន់ មុននឹងប្រើប្រាស់ឱសថបុរាណណាមួយ។
———
លឹម វិរិយា 🌸

#Euphorbia_hirta #ស្មៅទឹកដោះ
#Asthma_plant #ស្មៅហឺត