មានទាំងស៊ូហ្ស៊ី មីសួភ្លោះ
ត្រីស្រស់ង៉នហួស ឈ្មោះសាលម៉ុន
បង្គាមឹកឆៅ ក្ដៅអ៊ុនៗ
ថែមបន្លែទន់ មន្ដស្នេហ៍មាត់។

ញ៉ាំឆ្អែតឡើងហល់ សល់តែចាន
អស់លុយប៉ុន្មាន ខានគិតធាត់
ទៅហាងមួយទៀត ឆ្លៀតមិនហត់
ឆាកកំដរមាត់ ហាងទីពីរ។

គេមានការ៉េម ថែមផ្លែដូង
ទឹកកកឈូសយោង ទឹកដូងហ្វ្រី
ទឹកស្ករត្នោតខ្មែរ ថែប្រពៃណីយ
ញ៉ាំដល់ម៉ោងពីរ វីវក់ក្រៃ។

អរគុណពន្លឹក នឹកដល់ម្ចាស់
មួយពេលឌុបក្រាស់ បះសក់ថ្លៃ
លក្ខណ៍ហ្អើយ! បងយ៉ាហល់ទាំងថ្ងៃ
លេបទាំងភិតភ័យ ឆីយ៉ាងហ្នឹង!!!

សូមផ្ញើផុសត៍នេះពីចម្ងាយ
ជូនស្រស់ឆោមឆាយ ក្លាយដំណឹង
ក្រែងចាំមើលផ្លូវ ពៅស្ងាត់ឈឹង
រវល់ម្លឹងៗ នៅតែប្រឹងឆ្លៀត។
——
ពី លឹម វីរីយ៉ា
សៀមរាប
ថ្ងៃសៅរ៍ ទី១០ ខែ កញ្ញា គ.ស ២០១៦