កក្តិក២រោច រនោចលាក់តួ
គិតឡើងមិនគួរនាំខួរវង្វេង
យប់នេះស្រវឹងប្រឹងយំតាមភ្លេង
អស់ស្រាដប់ពែងទើបស្ងប់ចិន្តា។

យប់យន់ត្រជាក់ខ្យល់ធ្លាក់ត្រសៀក
ខ្លួនទន់រងាក ព្រោះគ្រៀកដបស្រា
ផឹកហើយផឹកទៀត ឆ្លៀតលោមអាត្មា
រស់នៅឯកាកំដរខ្លួនប្រាណ។

មានឈ្មោះលោកស្រីស្រ្តីកូនពីរ
ញាតិមិត្តមូលមីរញីរាប់អាន
មានអ្នកនាំសើចនាំលេងកម្សាន្ត
តាមពិតហួសស្មាន រស់បានដល់ណា?

កក្តិក២រោចរនោចងងិត
រាត្រីវិបរិតចងចិត្តខ្លោចផ្សា
បេះដូងរងាកំព្រាក្រៃណា
នឹកឡើងពើតផ្សា ឱរាស្ទើរប្រេះ។
—————————–
រាត្រីនៅសៀមរាប, ទី១៩ ខែវិច្ឆិកា ឆ្នាំ២០១៣