Equinox ប្រែមកថា “អយនកាល“ ដែលមានសេចក្តីប្រែសម្រាយថា ផ្លូវឬគន្លងសុរិយគតិ ដែលមានវេលាថ្ងៃនិងយប់ស្មើគ្នា គឺនៅថ្ងៃទី២១ ឬ ២២ ឬ ២៣ មិនា និង ថ្ងៃទី ២១ ឬ ២២ ឬ ២៣ កញ្ញា ជារៀងរាល់ឆ្នាំ ។

បាតុភូតនេះកើតឡើងដោយសារតែ ដំណើរនៃអក្ស័ផែនដី ទ្រេតចុះមកយ៉ាងទាប ពោលគឺវាស្ថិតនៅក្នុងខ្សែស្របមួយជាមួយនឹងព្រះអាទិត្យ ។ ចំណុចកណ្តាលនៃព្រះអាទិត្យ ស្ថិតនៅក្នុងផ្ទៃតែមួយជាមួយនឹងខ្សែអេក្វាទរ័ផែនដី ។

ក្នុងពេលដំណាលគ្នានេះ រូបភាពដ៏អច្ឆរិយៈមួយនឹងផុសឡើង ក្នុងទឹកដីអង្គរខេត្តសៀមរាប ពោលគឺយើងទាំងអស់គ្នានឹងបានមើលឃើញ ព្រះអាទិត្យរះដ៏ធំមួយបណ្តែតខ្លួនឡើង ពីក្រោយកំពូលកណ្តាលនៃប្រាង្គប្រាសាទអង្គរវត្ត ដែលនេះជាភស្តុ័តាងឆ្លុះបញ្ចាំងឲ្យឃើញថា បុព្វបុរសខ្មែរដែលជាវិស្វករសាងសង់ប្រាសាទអង្គរ មិនមែនចេះត្រឹមតែ វិសយ័សំណង់ និង សិល្បះប៉ុណ្ណោះទេ លោកថែមទាំងយល់ដឹងច្បាស់ពីដំណើរនៃតារាវិថី ក្នុងចក្រវាលនេះទៀតផង ។

ដូច្នេះ អ្នកសាងប្រាសាទអង្គរ គឺជា វិស្វករ ជា ស្ថាបត្យករ ជាសិល្បករ ជាហោរាសាស្រ្ត និងជាតារាវិទូ ផងដែរ។សំណេរមួយនេះ គឺជាការក្រើនរំឭក និងជាការចែករម្លែកចំណេះដឹង ដល់ប្រជាជនកម្ពុជាទាំងអស់ដែលមិនទាន់បានយល់ដឹងអំពីរឿងរ៉ាវទាំងនេះបានទទួលជ្រាប និងចូលរួមក្នុង អយនកាល ដ៏កម្រ និងដ៏អស្ចារ្យក្នុងពិភពលោក នៅថ្ងៃទី ២១, ២២, ២៣ ខែ មិនា ឆ្នាំ ២០១៣ (និងជារៀងរាល់ឆ្នាំ) ។

ចំណែកឯ អយនកាល នាវេលាថ្ងៃទី ២១, ២២, ២៣ ខែកញ្ញាវិញ ជាថេរវេលានៃរដូវវស្សាក្នុងតំបន់ត្រូពិក ប្រទេសកម្ពុជាជាតួយ៉ាង។ ដូច្នេះ អយនកាល ក្នុងខែកញ្ញា ធ្វើឲ្យយើងពិបាកនឹងមើលឃើញទិដ្ឋភាពថ្ងៃរះចំពីលើកំពូលប្រាសាទអង្គរនោះណាស់ ដោយសារតែ មេឃភ្លៀងរលឹម ពពកខ្មៅបាំងបិទ ស្ទើរគ្រប់វេលា ។

ដូចនេះ ឱកាសល្អនៃអ្នកស្រលាញ់វិសយ័ថតរូប គឺមានតែក្នុងខែមិនា តែប៉ុណ្ណោះ ។ ខ្ញុំមិនមែនជាអ្នកទទួលខុសត្រូវក្នុងការគោរពអញ្ជើញបងប្អូនទាំងអស់គ្នាឡើយ ខ្ញុំគ្រាន់តែជាអ្នកស្រលាញ់វិសយ័ថតរូបម្នាក់ និងជាអ្នកដែលចូលរួមផ្សព្វផ្សាយពីវប្បធម៌ខ្មែរដោយស្មគ្រ័ចិត្ត ដែលចង់ប្រកាសដំណឹងនេះទៅដល់មិត្តទាំងអស់គ្នាដែលមានចំណង់ចំណូលចិត្តដូចជាខ្ញុំដែរ។ ហើយបើសិនជាមាននិស្សយ័យើងនឹងជួបជុំគ្នានាវេលាព្រឹកព្រហាមម៉ោង ៥.៣០ នាទី ក្នុងថ្ងៃណាមួយនៃថ្ងៃទាំង៣នោះជារៀងរាល់ឆ្នាំ។

បញ្ជាក់! ក្នុងចំណោមអច្ឆរិយៈវត្ថុទាំង៧ធំៗក្នុងពិភពលោក មានតែប្រាសាទអង្គរ១គត់ដែលត្រូវបានសាងសង់ឡើង ស្របទៅតាមរូបមន្ត តារាភូគព្ភសាស្រ្ត ដែលសំណង់បុរាណនានាលើផែនដីនេះមិនអាចផ្ទឹមបាន។

សរសេរនៅថ្ងៃទី៥ ខែមីនា គ.ស ២០១៣