ថុញថប់អផ្សុកក្នុងអារម្មណ៍
ខំប្រឹងធ្វើការទាំងយប់ថ្ងៃ
បើសិនមានម្នាក់ជួយបំភ្លៃ
ទុក្ខសោករីងរៃរលាយបាន។

អីយ៉ាស់កូនឆ្កែធ្មេញប្រាំបី
ភ្ញាក់ឡើងថ្មីៗពីសម្រាន្ដ
ឲ្យគេលើក-ព ដោយក្លាហាន
សើចគ្មានរំខានពេញត្រចៀក។

មុខមានមន្តស្នេហ៍ថែមិនណាយ
មង្គលរសាយថ្វាយជូនញាតិ
ឲ្យតែអានាងនៅមិនឃ្លាត
អ្នកផងព្រោងព្រាតបៀតមិនឆ្ងាយ។

ពាក់អាវក្រហមសមអ្វីម្លេះ
ដូចសុរិយារះឈ្នះហ្វូងផ្កាយ
ទឹកមាត់រងើមស្រក់ខ្ចាត់ខ្ចាយ
អញ្ជើញញាតិជិតឆ្ងាយមេត្រីស្និទ្ធ។
—————————————

ដោយ ម៉ាក់យ៉ា
សៀមរាប, ថ្ងៃទី ២៦ ខែ កក្កដា ឆ្នាំ២០១៣