ពណ៌ស្វាយចាយឫកថ្ងៃអង្គារ

ជនខ្មែរគ្រប់គ្នាធារធន់ណាស់

ព្រោះលើករាសីល្បីល្អល្អះ

ជំនឿចាស់ៗខ្លះផ្ដាំទុក។

 

ពណ៌ស្វាយចាយឆោមប្រលោមស្និទ្ធ

ប្រាថ្នាកៀកកិតចិត្តមិនស្មុគ

ប្រើថ្ងៃអង្គារ វារផុតទុក្ខ

សិរីនាំមុខសុខចិន្ដា។

 

ពណ៌ស្វាយចាយរូបអ័រគីដេ

ឆើតឆាយជាងគេលើសបុប្ផា

នាំលាភមង្គលផ្ដល់ស្នេហា

ល្អស្រស់អស្ចារ្យថ្លានិរន្ដរ៍។

 

ពណ៌ស្វាយចាយឈ្មោះចិត្តសាវា

ជាពាក្យមុសាប្រាថ្នាជាន់

តាមពិតពណ៌ស្វាយល្អគ្រប់គ្រាន់

រុងរឿងមិនអន់ដូចនិន្ទា។

 

ពណ៌ស្វាយចាយចិត្តគិតអាល័យ

បួងសួងម្ចាស់ថ្លៃ ថ្ងៃអង្គារ

សូមវិលវិញឆាប់រ៉ាប់ជាគ្នា

ព្រោះថ្ងៃអង្គារជាគូគាប់។

_____

លឹម វីរីយ៉ា
ថ្ងៃអង្គារ ១៥កើត ពេញបូណ៌មី ខែផល្គុន ឆ្នាំមមែ សប្ដស័ក ព.ស ២៥៥៩ ត្រូវនឹងថ្ងៃទី២២ មីនា គ.ស ២០១៦