-ទឹកហូរមិនដែលចេះហត់ បើប្រុសៗស្បថ នាងអ៊ើយកុំជឿ
-ចង់ខ្ពស់ត្រូវធ្វើឫកអឿ កុំសាញតុញតឿ នាំប្រុសបានចិត្ត
-ដើរហើរដំណើរឆ្ងាយជិត បើគេមិនស្និទ្ធ កុំហារស្ដីមុន
-ទោះបីគេល្អគួរគន់ មិនស្មើនឹងមន្ដ ចរិយារៀបរយ
-ចេញឆ្ងាយកុំឲ្យថ្លោះធ្លោយ គំនិតស៊ុនស៊យ ព្រលយចិត្តផ្ដាស់
-ត្រូវគិតឲ្យបានហោចណាស់ ម៉ាឆ្នាំកន្លះ រួមទីប្រឹក្សា
-យ៉ាងហោចមានយាយមានតា ពូមីងត្រៀបត្រា ប្រាថ្នាជួយគិត
-បើស្មគ្រ័ត្រូវលះបង់ចិត្ត ផ្កាស្លាពិតៗ ហែជូនម្ដាយនាង
-ចុងក្រោយបន្លឺសូរសៀង បាយខុនចម្រៀង រៀបការតាមច្បាប់
-នេះទើបហៅល្អចំណាប់ មិនបាច់ស្បថប្រាប់ ក៏អាចជឿបាន
-ស្របតាមបណ្ដាំបុរាណ ប្រុសស្រីគ្រប់ប្រាណ ត្រូវចាំកុំភ្លេច!!!
—————–
ពី លឹម វីរីយ៉ា,
សៀមរាប ថ្ងៃទី៣១ ខែធ្នូ ឆ្នាំ២០១៣ ត្រូវនឹងថ្ងៃ ១៤រោច (ដាច់ខែមិគសិរ) ឆ្នាំម្សាញ់ បញ្ចសក័ ព.ស ២៥៥៧