កម្មវិធី “សំឡេងដែកថែប” (Vital Voices) គឺជាកម្មវិធីឈានមុខគេលើពិភពលោក សម្រាប់ស្ត្រីម្ចាស់អាជីវកម្មខ្នាតតូច និង មធ្យម ដែលកំពុងក្លាយជាចំណែកមួយក្នុងកិច្ចការងារជួយសង្គមជាតិ។

កម្មវិធីនេះ ផ្ដល់ការបណ្ដុះបណ្ដាលជំនាញអាជីវកម្មផ្ទាល់ខ្លួន ការអភិវឌ្ឍភាពជាអ្នកដឹកនាំ ជំនួយបច្ចេកទេស និង លទ្ធភាពទទួលបានបណ្ដាញទីផ្សារ រួមទាំងទំនាក់ទំនងជាអន្តរជាតិនៅក្នុងប្រមាណជាង២០០ប្រទេស។

ឈានចូលដល់ឆ្នាំទី៩ របស់ខ្លួន កម្មវិធីនេះ មានគោលបំណងលើកតម្កើងស្ត្រីជាអ្នកដឹកនាំអាជីវកម្ម ដែលជាកត្តាជំរុញឱមានការផ្លាស់ប្ដូរ នៅក្នុងសហគមន៍ ក្នុងប្រទេស និងក្នុងពិភពលោក តាមរយៈលទ្ធភាពពង្រីកអាជីវកម្មរបស់ពួកគេ ក៏ដូចជាចូលរួមជំរុញកំណើនសេដ្ឋកិច្ចជាតិ បង្កើតការងារក្នុងស្រុកដល់សហគមន៍ខ្លួន និងការផ្សព្វផ្សាយឱ្យមានផលប្រយោជន៍ដ៏ទូលំទូលាយរឹតតែខ្លាំង។តាមរយៈវគ្គបណ្ដុះបណ្ដាលពេញ១ឆ្នាំនេះ សមាជិកត្រូវផ្ដោតលើយុទ្ធសាស្ត្រអាជីវកម្មរយៈពេលវែង។

អ្នកចូលរួម នឹងទទួលបានចំណេះដឹង ជំនាញ ក្នុងការធ្វើផែនការយុទ្ធសាស្ត្រ ការគ្រប់គ្រងហិរញ្ញវត្ថុ យុទ្ធសាស្ត្រទីផ្សារ វិធីគ្រប់គ្រងធនធានមនុស្ស និងទំនាក់ទំនងសាធារណៈ។ ក្រៅពីនោះ ពួកគេអាចអាចទទួលបានជំនួយ និងការគាំទ្រផ្នែកបច្ចេកទេសដ៏មានតម្លៃ ហើយក្លាយជាសមាជិកនៃបណ្ដាញអាជីវកម្មស្ត្រី ជាសាកល ដែលមកទើសពេលនេះ មានសមាជិកជាស្ត្រីអ្នកដឹកនាំអាជីវកម្ម ចំនួន ១៨០០០ នាក់ ជុំវិញពិភពលោករួចហើយ។

កម្មវិធី សំឡេងដែកថែប (Vital Voices) សូមប្រកាសជ្រើសរើសបេក្ខជន ដែលជាម្ចាស់អាជីវកម្មភេទស្រីនៅកម្ពុជា ដើម្បីចូលរួមក្នុងវគ្គបណ្ដុះបណ្ដាល ឆ្នាំ ២០២២។ បេក្ខជនត្រូវចេះសរសេរ អាន ស្ដាប់ និងនិយាយភាសាអង់គ្លេសជាផ្លូវការ!

ផុតកំណត់ទទួលពាក្យថ្ងៃទី ១៨ ខែ តុលា ឆ្នាំ ២០២១ ម៉ោង ៥ល្ងាច (ម៉ោងនៅសហរដ្ឋអាមេរិក រដ្ឋធានីវ៉ាស៊ីងតោន)

សូមដាក់ពាក្យតាមរយៈ តំណភ្ជាប់នេះ http://s.alchemer.com/s3/2022-VVGROW-Applicationសម្រាប់សំណួរពាក់ព័ន្ធផ្សេងៗ អាចសាកសួរដោយផ្ទាល់ទៅកាន់ អ៊ីមែលរបស់ dalinnhean@vitalvoices.org ដែលជាអ្នកគ្រប់គ្រងកម្មវិធីជាន់ខ្ពស់ និងជាអ្នកសម្របសម្រួលសម្រាប់បេក្ខជនដាក់ពាក្យទៅពីប្រទេសកម្ពុជា។

ឬអាចសាកសួរផ្ទាល់មកខ្ញុំ VIRIYA LIM ដែលជាអតីតសិក្ខាកាមអាហារូបករណ៍ ឆ្នាំ ២០២០ តំណាងកម្ពុជា តាមរយៈប្រអប់សារបណ្ដាញសង្គម Facebook ឬសារក្នុង Blog នេះផ្ទាល់។

សូមអាន Profile របស់ខ្ញុំ នៅក្នុងតំណភ្ជាប់នេះ https://www.vitalvoices.org/people/viriya-lim/សូមចុចទីនេះ https://www.vitalvoices.org/who-we-are/bod-2/ ដើម្បីមើលសមាសភាព ក្រុមអ្នកដឹកនាំជាន់ខ្ពស់ ឬមើលជារួមកម្មវិធីទូទៅ នៅក្នុង www.vitalvoices.org