ល្ខោនខោលវត្តភ្នំ

រៀបឫក្សសមសួន ពួនថតក្រោយឆាក
វាំងននបើកខ្វាក ឆាកល្ខោនឡើងភ្លឺ
អ្នកភ្លេងប្រគុំ ងំលាន់រន្ទឺ
រន្ទាលឡើងព្រឺ ឮឡើងស្រយុត។

សិទ្ធាជ្រះថ្លា ចារទុកម្សិលមិញ
មេខ្ញុំគាត់ចេញ ប្រាំរយឱ្យគត់
ដុល្លារអាគាំង ហុចមិនតក់ស្លុត
ជំនួយអ្នកខ្មុក ទុកថែវប្បធម៌។

អនុប្រធាន គង់សូរីតា
ពីររយដុល្លារ ប្រាថ្នាជួយទ្រ
អគ្គលេខា កណ្ណិកាបន្ទរ
ដាក់ថែមជន់ជោរ មួយរយដុល្លារ។

សូមអរគុណក្រៃ ថ្លៃហ្អើយថ្លៃថ្លើម
បេះដូងល្អឆ្នើម ផ្ដើមផ្ដួចគួចត្រា
ទុកជាគំរូ ធូរធារខេមរា
សិល្បៈដូនតា នឹងបានរុងរឿង។
———
ថ្ងៃព្រហស្បតិ៍ ទី១៣ ខែធ្នូ ឆ្នាំ២០១៨ នៅមជ្ឈមណ្ឌលសិល្បៈវប្បធម៌វត្តភ្នំ រាជធានីភ្នំពេញ ក្នុងព្រឹត្តិការទិវាបេតិកភណ្ឌ លើកទី៤ ពីថ្ងៃ ១២ ដល់ ១៤ ខែធ្នូ ២០១៨ ក្រោមប្រធានបទ ល្ខោនខោលមរតកជាតិខ្មែរ។🌸🇰🇭

សូមបញ្ជាក់ថា ក្នុងព្រឹត្តិការល្ខោនសម្ដែងម្សិលមិញដោយក្រុមយុវជនស្មគ្រចិត្ត លោកជំទាវទន្ដបណ្ឌិត អេង លីគង់ ដែលជាប្រធានសមាគមសហគ្រិនស្ត្រីកម្ពុជា (សសសក) បានឧបត្ថម្ភនៅនឹងកន្លែងដល់ក្រុមសិល្ប:ចំនួន $៥០០, និងមានការចូលរួមផងដែរពីលោកស្រី គង់ សូរីតា ជាអនុប្រធានសមាគម ចំនួន $២០០ និងសប្បុរសជន១រូបទៀត លោកស្រី ឡាយ កណ្ណិកា ជាអគ្គលេខាធិការសមាគម ចូលរួម $១០០។ 💕

សូមគោរពអរគុណជាពន្លឹក និង សូមគ្រប់គ្នាទទួលបានតែពរជ័យគ្រប់ប្រការពីវត្ថុសក្ដិសិទ្ធក្នុងលោក។ 🙏😇