ខ្នើតខែភទ្របទផុតយប់នេះ
រនោចគម្រិះ រស្មីឆ្អិន
ចូលខ្លួនយបស្អែកចែកវេនបិណ្ឌ
ដប់បួនថ្ងៃសិនមុនឆ្លងភ្ជុំ។

រាត្រីសួស្ដីយប់ពេញបូណ៌
ភ្លៀងស្រក់លើ ទ លាន់រងំ
លាយខ្យល់ត្រជាក់ធ្លាក់រង្គំ
ភ្នែកខ្ញុំផ្ដើមទន់លន់តួខ្នើយ។

គេងហើយ គេងហើយ ណាម្ចាស់ចិត្ត
លក់ស្កប់ស្កល់ពិតចិត្តរំហើយ
ស្អែកនេះបិណ្ឌ១ កុំកន្តើយ
ទៅវត្តឱ្យហើយបំពេញកិច្ច។
———-
លឹម វីរីយ៉ា

រាត្រីដែលមានសួស្ដី! 🌕

យប់១៥កើត ខែភទ្របទ ឆ្នាំវក អដ្ឋស័ក ព.ស ២៥៦០
ត្រូវនឹងថ្ងៃសុក្រ ទី១៦ ខែកញ្ញា គ.ស ២០១៦