ញ៉ាំបាយជួបជុំ ពួកម៉ាកចាស់
រីករាយខ្លាំងណាស់ ខះសំឡេង
សំណើចក្អាកក្អាយ សប្បាយលេង
បាញ់គ្នាផ្អើលគ្រេង រែងពាក្យពិត។
មានអ្នកមុខចាស់ ខ្លះនៅក្មេង
ខ្លះមិនបានគេង ព្រោះចង់ស្និទ្ធ
ក្រសាលឆាលឆើត ផ្តើតដួងចិត្ត
ឆ្លៀតរាយមន្តស្អិត ដិតមុនបែក។
គេបង្អាប់ខ្ញុំ ផ្លុំតែកាព្យ
សំណេរកំណាព្យ ស្លាបរហែក
រហេនរហន់ បន់ឱ្យស្អែក
បានឡើងយន្ដដែក ហោះទៅវិញ។
ម្ភៃប្រាំឆ្នាំប្លាយ ក្លាយពីមុន
តាំងពីតូចតន់ ប៉ុនគ្រាប់រំដេញ
បានចងជាមិត្ត ចិត្តរមេញ
រមួលឆួលវេញ ចេញតែខ្យល់។
មិត្តអ៊ើយ! ឥលូវ យើងចាស់អស់
ឯងនៅកម្លោះ សោះឥតខ្វល់
សង្ឃឹមឆ្នាំក្រោយ ដោយបន្ទាល់
ជួបគ្នាវ៉ល់ៗ កល់កិច្ចការ។
ជូនពរដំណើរ ហើរត្រលប់
បានពើបប្រសព្វ តែសុខា
មួយឆ្នាំជួបម្ដង ចងអក្ខរា
ក្រងអនុស្សារ ចារប្រវត្តិ។
———
លឹម វីរីយ៉ា🌸
ភ្នំពេញ, ២០ វិច្ឆិកា ២០១៨
Viriya Lim's Blog 