ជំនោរមិគសិរខ្យល់ត្រជាក់
អព្ទ័ក្រាស់ចុះធ្លាក់នៅស្រុកខ្មែរ
សៀមរាបអង្គរមិនប្រួលប្រែ
ណាត់ជួបម្ចាស់ស្នេហ៍តារាល្បី។
កេរ្តិ៍ឈ្មោះក្រអូបដូចផ្កាម្លិះ
សុះសាយគ្រប់ទិសទាំងប្រាំបី
អ្នកណាមិនស្គាល់ Jasmine ស្រី
សាសងរាល់ថ្ងៃតែកាព្យា។
ទោះបីឥន្រ្ទជិតគង់ខន្តី
លួចបង្ខិតដីឲ្យជិតគ្នា
គ្រាន់បានជួបភក្រ្ត័មួយវេលា
ដប់ឆ្នាំឃ្លាតគ្នា មិនអល់អែក។
ជួបហើយនិងព្រាត់ជាធម្មតា
ទោះជាតិទេវតាក៏គង់បែក
ម្សិលមិញ ថ្ងៃនេះ និងថ្ងៃស្អែក
និស្សយ័ល្អឯកយើងជួបទៀត។
——————————–
លឹម វីរីយ៉ា, ថ្ងៃសុក្រ ទី២០ ខែធ្នូ ឆ្នាំ២០១៣
Viriya Lim's Blog 