ឆ្លៀតពេលរសៀលបានបន្តិច
មុនពេលថ្ងៃលិចចរយាត្រា
ទៅដើរ shopping នៅក្នុងផ្សារ
ទំនិញត្រៀបត្រាសុទ្ធផន់ខ្មែរ។
គេហៅ Made in Cambodia.
អ្នកលក់ជុំគ្នាឡើងអ៊ូអែ
ឃើញអ្នកគ្រូហ្កិចក៏លក់ដែរ
ទំនិញហូរហែក្បែរផ្លូវបត់។
ខ្ញុំទៅថតរូបបានដប់ប៉ុស្ដិ៍
ទុកគ្រាន់បង្ហោះផ្សាយជូនគាត់
សូមជួយទិញផងកុំឮមាត់
លក់ដាច់ប្រាកដហត់ក៏សុខ។
មានវែក-ចាន-ឆ្នាំង-កន្តាំង-ល្អី
ស្លាបព្រាវែងខ្លី ច្នៃពីស្មុគ
មានល្ពាក់តូចធំ ផាហ៊ុមស្រុក
ថែមទាំងត្បាល់បុក អ្នកស្រុកលើ។
ជជែកគ្នាលេង ភ្លេងគេអម
ដន្ត្រីគេសម ចាប់បន្លឺ
សូរសៀងរនាត ស្គររង្គើ
លេងនៅជាន់លើ ធ្នើរទាក់ចិត្ត។
មួយសន្ទុះធំ ខ្ញុំក៏លា
ក្រោយសាសងគ្នា រណ្ដំស្អិត
មកផ្ទះទីទៃ លៃលកត្បិត
post ជូនដូចចិត្តគិតម្សិលមិញ។
និស្សិតស្រីប្រុសបើឃើញហើយ
កុំនៅកន្តើយ សូមជួយទិញ
ឥវ៉ាន់ខ្មែរយើងលក់ពាសពេញ
ខ្ញុំទៅម្សិលមិញសប្បាយណាស់។
———-
លឹម វីរីយ៉ា
សៀមរាប ថ្ងៃអង្គារ៍ ១៣កើត ខែស្រាពណ៍ ឆ្នាំវក អដ្ឋស័ក ព.ស ២៥៦០ ត្រូវនឹងថ្ងៃទី ១៦ ខែ សីហា គ.ស ២០១៦
Viriya Lim's Blog 