រដូវត្រជាក់​ រាត្រី​ម្នែងអ៊ាក់
នៅតែម្នាក់ឯង​ ជិះទូកលេីទឹក
នឹករឿងដាច់ខ្លែង​ នឹកទាំងកន្លែង
ធ្លាប់​តែងកំណាព្យ​។

រដូវធ្លាក់ខ្យល់​ ស្រឹបៗរចល់
ខ្វល់ដល់ត្រដាប​ ហេតុផល​ម្នឹះ​លោក
យកបុណ្យលាងបាប​ ពេលខ្លះចាញ់ច្រាប
ខាបព្រលឹងខុស។

រដូវហេមន្ត​ ផ្កាយ​រះស្រទន់
ជន់មេឃចាំងឆ្លុះ​ រនោចពិសាខ
ឆាកល្ខោនបញ្ចុះ​ បញ្ចេីចខេីចអស់
ទាស់ចិត្ត​អ្នកមេីល។

រដូវរងា​ រងំជុំគ្នា
មិនជា​ ​ ងងេីល​ រងេីកភ្លេីងចាស់
ច្បាស់​ជាល្អមេីល​ អ្នកល្ងង់គង់ផ្អេីល
កេីលកល់ខ្វល់គិត។

រដូវស្លឹកឈេី​ ជ្រុះរាយមាយទេី
ហេីរលេីដួងចិត្ត​ ផ្កាស្នេហ៍រីកថ្មី
លេីដីអម្រឹត​ ញញឹម​បង្ខិត
ដិតល្ខោនលាក់តួ។
————-
លឹម​ វីរីយ៉ា​🌸
០២​ មិថុនា​ ២០១៩