ដើមត្រែងលាស់ត្រួយ ជួយកន្ត្រើយ🌱
កន្ទ្រាំងខែត្រស្បើយ ត្រើយខាងជើង
ចង្រិតខំពួន ជួនឃើញភ្លើង🔥
រំភើបពើតពើង ពេញពោងពាយ។🙊

កំប្លោកក្នុងបឹង ប្រឹងបែកគុម្ព🌿
កំភ្លឹងឆួលងំ សណ្ដំភាយ
អណ្ដើកបាតទឹក ស្ពឹករវាយ
រវើស្ទើរធ្លាយ រលាយជុំ។🐢

កញ្ឆែតបោះទង រំលងទឹក
ត្រីក្រាញ់សងសឹក ចឹកកូនគ្រុំ🐚
ដូចជាផែនដីនៃនាងខ្ញុំ
រង្គើរង្គុំសូមរួមកាត់។🙏
———
ដោយ លឹម វីរីយ៉ា
———
ថ្ងៃសៅរ៍ ១៣រោច ខែអស្សុជ ឆ្នាំវក អដ្ឋស័ក ព.ស ២៥៦០ ត្រូវនឹងថ្ងៃទី២៩ ខែតុលា គ.ស ២០១៦