រសៀល​មេឃក្ដៅ​ អ្នកក្នុងអ្នកក្រៅ
ហួចហៅខ្សឹបដៀង ខ្លះភ្នក់លេងភ្នាល់
ខ្លះខ្វល់រឿងពាង​ ខ្លាចឥតទឹកភ្លៀង
ទុកលាងជេីងដៃ។

រសាប់រសល់​ រសេីបហេីបដល់
រឿងទ័លចង្រៃ​ រឿងរាក់កំផែល
ខ្លះហែលលេីដី​ គេខ្សឹបម្សិលម្ង៉ៃ
អាល័យ​អ្នកស្ដាប់។

គេថាភ្លេីងខៀវ​ ពេលមាន់រងាវ
កញ្ជ្រៀវ​ស្ទេីរស្លាប់​ អ្នកណាឥតបុណ្យ
កុនការងាប់ឆាប់​ ធ្វេីមនុស្សចំណាប់
គេចាប់ទៅចង។

គេខ្សឹបតិចៗ​ ប្រាប់ក្រោយថ្ងៃលិច
ក្ដិចភ្លៅថែមផង​ ភាពយន្ដ​សម្ដែង
គេក្លែងម្ដងៗ​ ល្ខោន​ស្នេហ៍​អូនបង
ថេីបភ្លាមលង់ភ្លាម។

រឿងត្រូវទៅខុស​ រឿងស្រីនិងប្រុស
ច្រមុះចេញឈាម​ ស្នេហ៍​រន្ទះបាញ់
ស្រឡាញ់រលាម​ ថេីបបឺតអង្កៀម
ត្រៀមទាក់អ្នកមេីល។

ស្នេហា​ចុះក្អួត​ គេលេងឆ្កួតៗ
អួតមនុស្សងងេីល​ ងងឹត​ងេងង៉ាង
អាងយ៉ាងគគ្រេីល​ ល្ខោនអស់អ្នកមេីល
ផ្អេីលរឿងថ្មីទៀត។
————-
លឹម​ វីរីយ៉ា​🌸
២០​ សីហា​ ២០១៩