ព្រលឹងមាសអ៊ើយ រនោចចូលហើយ
នៅឡើយបាត់បង សួរចន្ទយប់មិញ
ចន្ទមិនឆ្លើយឆ្លង ហ្វូងផ្កាយចោមចង
ចំអកគ្រោតគ្រាត។
ព្រលឹងម្ចាស់ស្នេហ៍ យប់មិញដួងខែ
រះសែនចោលម្សៀត ទន្សាយក្ដាមខ្យង
ខំឆ្លងអាធ្រាត្រ ក្រែងចន្ទចង្អៀត
ឆ្លាស់ឆ្លៀតបូលហៅ។
នៅឡើយបាត់បង សួរចន្ទយប់មិញ
ចន្ទមិនឆ្លើយឆ្លង ហ្វូងផ្កាយចោមចង
ចំអកគ្រោតគ្រាត។
ព្រលឹងម្ចាស់ស្នេហ៍ យប់មិញដួងខែ
រះសែនចោលម្សៀត ទន្សាយក្ដាមខ្យង
ខំឆ្លងអាធ្រាត្រ ក្រែងចន្ទចង្អៀត
ឆ្លាស់ឆ្លៀតបូលហៅ។
ព្រលឹងអូនអ៊ើយ កត្ដិករំហើយ
ឆ្លើយតបផងពៅ ឆ្កែព្រុសពាសវាល
ជំទាលង៉ៅៗ សន្សើមផ្កាស្មៅ
ដៅផ្លូវដើរចាស់។
ព្រលឹងស្នេហ៍ស្នង ចំប៉ីបងប៉ង
ក្រងផ្កាផ្ដេសផ្ដាស រំដួលសៀមរាប
ជ្រាបក្លិនល្អណាស់ ស្រោចទឹកនឹកម្ចាស់
ផ្លាស់ឫសដូរដី។
ព្រលឹងអូនអ្ហើយ ខ្យល់បក់ប៉ើយៗ
រំហើយខ្នងស្រី ទឹកភ្នែកស្រិចស្រក់
ដក់ជោគលើដី សាងចិត្តអាល័យ
មុនថ្ងៃចូលផ្នូរ។
—————
ដោយ លឹម វីរីយ៉ា
សៀមរាប ថ្ងៃអង្គា ១រោច ខែកត្ដិក ព.ស ២៥៦០ ត្រូវនឹងថ្ងៃទី១៥ វិច្ឆិកា គ.ស ២០១៦
Viriya Lim's Blog 