ខ្លែងហោះបានខ្ពស់​ ព្រោះកម្លាំងខ្យល់
មារយាទ​លាក់កល​ ព្រោះខ្វល់កិលេស
ដូងផ្អែមថែមរស​ ព្រោះគល់កប់ផេះ
ម្នឹះល្ងង់ធេីចេះ​ អាចឆេះផែនដី។

ទឹក​ជ្រៅតែងស្ងប់​ កប់ចិត្តអ្នកប្រាជ្ញ
អ្នកឆោតមាត់ដាច​ ប្រសាចសម្ដី
បេីទឹកត្រជាក់​ ជាក់ជាផ្ដុំត្រី
ពេចន៍​ផ្អែមមានន័យ​ ស្រីប្រុស​ប្រឡាញ់។

ពួកបក្សបីសាច​ ខ្លាចខ្មោចក្នុងផ្នូរ
គោះប៉ោតទូងស្គរ​ ជន្លបោះបាញ់
ទាត់​ចោលពាក្យព្រះ​ ឈ្នះទៅទាំងចាញ់
សាងគ្រាប់ទុកបាញ់​ ប្រមាញ់គ្នាឯង។
————-
លឹម​ វីរីយ៉ា​🌸
០៥​ តុលា​ ២០១៩