រាត្រីភ្លៀងធ្លាក់ ត្រជាក់គ្រែដេក
តុកកែបូលស្រែក ដូចក្អែកបូលឆ្លេីយ
ចង្រិតបន្ទរ វាយោរំហើយ
យប់ជ្រៅណាស់ហើយ ខ្នើយកើយហៅគេង។

រាត្រី​អាសាឍ​ ខាតពេលនឹងគិត
យប់យន់​ងងឹត​ រិតតែវង្វេង
សូមត្រឹមបិទភ្នែក​ ដេកស្ដាប់បទភ្លេង
ចម្រៀង​ពីក្មេង​ ស្ដាប់លេងមុនលក់។

រាត្រី​សួស្ដី​ ស្ដីសួរដោយស្មោះ
បេីស្អែកភ្លៀងច្រោះ​ ហូរអស់លែងស្ទក់
ខ្ញុំ​សូមបន់ផ្សង​ ឆ្លងរឿងគម្រក់
មិនត្រូវ​ការភ្លក្ស​ នរកសុបិន។

រាត្រី​សុវត្ថិ​ យប់បាត់ដួងផ្កាយ
ចន្ទ្រា​ក៏ឆ្ងាយ​ ក្លាយ​១០រោចឆ្អិន
ជំនោរកក្កដា​ ប្រាថ្នាមួយសិន
សូមបានស្គាល់ក្លិន ភូមិន្ទ​ម្ចាស់​សារ។
————-
លឹម​ វីរីយ៉ា​🌸
២៦​ កក្កដា​ ២០១៩