សាយណ្ហ​ទន់ទាប​ ដីរាបទន់ទេរ​
រសៀលទន់ជ្រេ​ មាសមេទន្ទឹង
ទន្ទេញ​ពាក្យ​ចាំ​ ផ្ដាំដល់ម្ចាស់ស្ទឹង
សន្យា​បាត់​ឈឹង​ ប្ដឹង​ទៅ​នរណា?

សាយណ្ហ​ហួសទៅ​ នៅសល់ដួងចន្ទ្រ
ដេកមិនប្រកាន់​ ធ្វើខ្មាន់វេហា
តារារយដួង​ លួងសូមស្នេហា
ព្រះឥន្ទ្រ​ ឥតត្រា​ ប្រាថ្នាយកត្រើយ។

សាយណ្ហ​កល់ខ្នើយ នៅឡើយរាត្រី
ចរចាចិចី​ ស្ដី​សូមឱ្យឆ្លើយ
ដីកោះនៅម្ខាង​ កាងដល់ណាហើយ?
មេឃកុំកន្តើយ​ សូមឆ្លើយប្រាប់ផង!
———-
លឹម​ វីរីយ៉ា​🌸
១៤​ ធ្នូ​ ២០១៨