មាន់អប់ទឹកដូង​ យោងបាយសម្រូប
បងហុងប៉ាវហូប​ លបពេលថ្ងៃត្រង់
ជជែក​រីករាយ​ លាយភក្ដ្រផូផង់
ញញឹម​ត្រូវប្លង់​ ផ្ចង់មួយកញ្ចក់។

អ្នកបងខាងកៀន​ អៀនកាមេរ៉ា
គាត់​ពោលប្រាប់ថា​ មិនហ៊ាន​សម្លក់​
សម្លឹងចំៗ​ ខំៗមុខល្អក់
ខ្លាច​ក្រែងស្លឺតស្លក់​ ខកចិត្តម្ចាស់ប៉ុស្តិ៍។

ម្ភៃ​ឆ្នាំ​ជួបម្ដង​ បងៗជជែក
អូនយ៉ាឃ្លានពេក​ វែកបាយស្ទើរខុស
សូមកោតសរសើរ​ បង្ហើរបន្តិចចុះ
រវល់ម៉ាអាយ៉ូស​ តែរឿងជួយគេ។
_________
លឹម វីរីយ៉ា

ថ្ងៃទី ២១ ខែវិច្ឆិកា ឆ្នាំ ២០១៨