ឆ្នាំមុន​ទឹក​ធំ​ ម៉ុមធីងធោង
ចំប៉ា​ដាច់​ទង​ យោងសក់ចង
ឆ្នាំនេះរាងស្ងប់​ ថប់​កន្លង
ផ្កា​ក្រៅរបង​ សុទ្ធ​កុលាប​។

ស្រុកខ្មែរថែកេរ​ កេរ្តិ៍​រន្ទឺ
ហៅអ្នកមិនឮ​ ព្រឺព្រួយបាប
ប្រយ័ត្ន​ខ្ញុំខឹង​ តឹងដរាប
ទោះអ្នកមកក្រាប​ គង់មិនព្រម។

កត្ដិក​ដើមខែ​ ថែគ្នាផង
ក្រែងក្មេងលួចប៉ង​ ឆ្លងលួងលោម
ពេលនោះអ្នកចាស់​ ច្បាស់​ជាទ្រម
កម្ម​ពៀរផិនញោម​ ជួយមិនរួច។
———
លឹម​ វីរីយ៉ា​🌸

ថ្ងៃ​សុក្រ​ ២កើត​ខែ​កត្ដិក​ ឆ្នាំច​ សំរឹទ្ធិ​ស័ក​ ព.ស​ ២៥៦២ត្រូវ​នឹង​ថ្ងៃ​ទី​ ៩​ វិច្ឆិកា​ គ.ស​ ២០១៨