នាដីខ្មែរ ប្រែដីខ្មៅ ដៅជីវិត
ដ៏ពិសិដ្ឋ ដិតពិសោធន៍ ដោតវិសាល
សូម្បីសត្វ បាត់សម្បុក ស្មុគអម្បាល
គង់តែច្រាល ដាលជ្រងោ ជោរច្របល់។

ស្រីស្រុកស្រែ ខែទឹកស្រក ដកគល់ស្រូវ
ចម្បើងស្បូវ នៅដំបូក យកតម្កល់
ទុកសម្ញែង ក្រែងគេបូល ពោលហៅដល់
នឹងអស់ខ្វល់ កល់ដោយយស ជួសឲ្យយូរ។
———
ច្រៀងរងឹមគ្រហឹមឥនន័យនៅវាលចំបើង ដោយ លឹម វីរីយ៉ា (រក្សាសិទ្ធិ)

ថ្ងៃសុក្រ ៤រោច ខែកត្ដិក ឆ្នាំវក អដ្ឋស័ក ព.ស ២៥៦០
ត្រូវនឹងថ្ងៃទី ១៨ ខែវិច្ឆិកា គ.ស ២០១៦