ចក្រវាលមានព្រះឈ្នះដោយធម៌
ជីវិតបវរដោយបញ្ញា
កេរ្តិ៍ឈ្មោះនៃមនុស្សព្រោះចរិយា
ល្ងង់ឆ្លាតប៉ុណ្ណាគង់ប្រាជ្ញដឹង។

ចង់សាងស្នាដៃត្រូវខំគិត
សៀវភៅជាមិត្តអាចរំពឹង
អានម្ដងមិនយល់ត្រូវខំប្រឹង
ស្អែកឡើងសញ្ជឹងអានម្ដងទៀត។

រៀនរស់ដោយច្នៃខួរខ្លួនឯង
កុំឆ្កួតវង្វេងរឿងចោលម្សៀត
ចម្លងថ្ងៃនេះស្អែកអស់ស្នៀត
បញ្ញារួញត្បៀតប្រើលែងកើត។
«»«»«»«»«»«»«»
ដោយ លឹម វីរីយ៉ា
២៣/០៧/២០១៤