-សារជាតិផ្កាស្មៅ ដិតដាមក្រឡៅ ដោយនយ័មាក់ងាយ 
ខំលូតប៉ុណ្ណា ក៏ខ្ពស់មិនងាយ ធម្មជាតិពង្រាយ 
ឲ្យស្មៅតូចទាប។

-ខំដុះយ៉ាងល្អ ផ្កាស្មៅបវរ មិនបាច់ចាំថែ
រស់នឹងសន្សើម សាយពូជហូរហែ គង់វង្សឋិតថេរ
ចេរកាលរៀងរាយ។

-សម្លឹងឲ្យជិត មើលហើយពិនិត្យ ពិតឃើញសម្រស់
ផ្កាស្មៅតូចមែន តែល្អងត្រសុស ភូមរាចម្រុះ
ស្រុះគ្នាក្រវែល។

-ខុសអរគីដេ ខ្ពង់ខ្ពស់ម្លេះទេ គេដាំលើទ្រើង
គេថែថ្នាក់ថ្នម បីបមទំយើ ផ្កាស្មៅងើយលើ
មើលហើយស្លុតស្លុង។

-ថ្លែងពីសម្ផស្ស ផ្កាស្មៅឆោមស្រស់ សំរស់ល្អល្អះ
ទាស់តែគ្នាតូច មិនអាចឃើញច្បាស់ ដុះមីរដេរដាស់
ក្រាលក្រាស់លើដី។

-ឩ ព្រហ្មលិខិត ហេតុម្តេចកំរិត ឲ្យផ្កាអភព្វ័
ឈ្មោះជារុក្ខជាតិ តូចទាបពុំគាប់ វាសនាផ្សារភ្ជាប់
ជាប់ឈ្មោះនឹងស្មៅ។

លឹម វីរីយ៉ា